"Nunca menosprecemos a amizade. Se moitas veces aquilo se facía por cálculo (do ut des, fágoche e xa me farás), outras era sen dúbida afección máis ou menos desinteresada, gusto de facerlle ben a aquel que queres ben. Iso, de seu, non é malo: á fin e ao cabo, afecto e solidariedade constitúen vínculo poderoso, cemento de unidade entre as persoas. Ora ben, cando lle damos forza e entidade á institución pública, encomendándolle que organice as condicións da vida social, non cabe pasar por riba das normas que establece; nomeadamente se, no fondo, estamos de acordo con elas por ver a súa conveniencia."
Fonte | El Progreso
Ningún comentario:
Publicar un comentario